– Muthui alikuwa amechapisha picha za fedha za Kenya kwenye bango na kulianika mtandaoni

– Alilazimika kuomba msamaha kwa CBK na kulitoa

– CBK Ilisema ni hatia kwa yeyote kuchapisha picha ya fedha za Kenya bila kuomba ruhusa

Mhubiri mmoja jijini Nairobi amejipata matatani baada ya kuchapisha picha za noti mpya zilizozinduliwa na Banki Kuu ya Kenya.

Mhubiri Samson Muthui wa kanisa la ATG Deliverance Chapel mtaani Mwiki alichapisha bango lililokuwa na picha za fedha hizo huku akiwaomba washirika wake kuzibeba ili wapate baraka.

Mtumishi huyo wa bwana alisema atakuwa na ibada ya kuvunjika minyororo ya ukosefu wa pesa.

Habari Nyingine: Picha za mbunge wa Kibra Ken Okoth baada ya kupambana na saratani za waguza wakenya

Mhubiri matatani baada ya kuchapisha noti mpya kwenye mtandao

Gavana wa Banki Kuu Patrick Njoroge. Picha: Standard
Source: UGC

Hata hivyo, hatua hiyo iliarifiwa ni kinyume cha sheria huku akilazimika kufuta picha hizo na hata kuomba msamaha kwa CBK.

Kulingana na Banki Kuu, ni makosa kwa yeyote kuchapisha fedha za Kenya kwa njia yoyote pasi ruhusa kutoka kwa benki hiyo.

“Je, wajua iwapo unataka kutumia picha za fedha za Kenya katika uchapishaji wowote lazima uandikie Banki Kuu na kuomba ruhusa?

CBK baadaye itakubali ama ikatae, lakini kuna faini iwapo utakiuka hili,” CBK ilisema.

Habari Nyingine: Picha tamu za sherehe ya kuzaliwa ya mama, mpenzi wa Diamond Platinumz

Banki hiyo iliweka kwenye mtandao mojawapo wa sheria zake ambapo ni hatia kwa yeyote kutumia picha za pesa za Kenya kwa njia yoyote ile kando na malipo ya kawaida pasi kuomba ruhusa kutoka kwa Banki hiyo.

“Yeyote atakayevunja sheria hii atafunguliwa mashtaka na pia anaweza kupigwa faini ya shilingi 100, 000,” sheria hiyo ilisema.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko.co.ke